Hazrath Jibreel Ameen Alaihissalaam , HUZOOR E AKRAM Sallallahu alaihi wasallam ki Qidmat e Aqdas me hazir hokar Arz kiye

• Hazrath muaawiya raziallahu taala anhu ne farmaya :

  Main ne kisi bhi khateeb ko Ummul Momineen Hazrath AYESHA SIDDIQA raziallahu taala anha se badh kar balagat wo zahanat wala nahi dekha.

  (Al Moujamul Kabeer , hadith no :298)

• Hazrath Jibreel Ameen Alaihissalaam , HUZOOR E AKRAM Sallallahu alaihi wasallam ki Qidmat e Aqdas me hazir hokar Arz kiye :

  Aap Hazraath e Ahle Badar ko Kaisa shumaar karte hain ?
  HUZOOR Sallallahu alaihi wasallam ne Irshaad farmaya :

  Musalmano me sab se Afzal ,

  Ya HUZOOR Sallallahu alaihi wasallam ne is tarah ki aur baat irshaad farmayi ,

  Hazrath Jibreel Ameen Alaihissalaam ne arz kiya :

  Isi tarah farishton me wo farishte Afzal hain jo Badar me Hazir hue.

  (Sahih Bukhari , Hadith no : 3992)

• Hazrath Anas Raziallahu Taala anhu farmate hain:

  NABI E KAREEM Sallallahu alaihi wasallam ne apne Dast e Mubarak ko zameen par rakh kar Irshaad farmaya :

  Ye flan shakhs ke halakat ki jagah hai , ye flan shakhs ki halakat ki jagah hai ,
  Raawi kehte hain :

  NABI E KAREEM Sallallahu alaihi wasallam ne kuffaar ke marne ki jis jagah nishandahi farmayi thi kisi ki naash us jagah se thodi bhi Aage nahi paayi gayi.

  (Sahih Muslim ,Hadith no :7402)

  

   

   

Comments

comments