HUZOOR NABI E KAREEM Sallallahu alaihi wasallam Masjid me tashreef farma the ke Aap ne Hazrath Ali raziallahu taala anhu se farmaya:
Ye Jibreel Ameen hain aur arz kar rahe hain ke ALLAH TA’LA ne Hazrath Syeda Fatima raziallahu taala anha se tumhara nikah kardiya hai aur tumhare nikah par 40 hazaar farishton ko gawah ke tour par nikah ki majlis me sharik kiya gaya,
aur shajar haye tubi se farmaya:
In par moti aur Yaqoot nichawar karo phir dilkash aankhon wali horen un motiyon aur yaquton se thaal bharne lagi, Jinhe (yane nikah ki taqreeb me shirkat karne wale) Farishte Qayamat tak ek dusre ko batour e Tohfe ke denge.
(Zakhair ul Uqba fi manaqibi zawil qurba,vol:1,pg:72)
