Kaunsa Haj Afzal hai?

• NABI E KAREEM Sallallahu alaihi wasallam se daryafat kiya gaya:

  Kaunsa Haj Afzal hai?

  Aap ne irshaad farmaya:
  Jisme baland Awaaz se Talbee kaha jaye aur qurbani ki jaye.

  (Jame Tirmizi,Hadith no:827)

• HUZOOR Sallallahu Alaihi wasallam ne irshaad farmaya:

  Haj e Mabroor ka badla sirf Jannat hai.

  (Sahih Bukhari)

• Jis shakhs ne namaz qayem ki, zakaat adaa ki, Baitullah ka haj kiya, ramzan ke roze rakhe, aur mehmaan nawazi ki wo jannat me dakhil hoga…

  (Shubul Imaan,Hadith No:9593)

• ALLAH TA’LA ke hukum ke mutabiq Amal karna Taqwa hai.

  (Hazrath Ibne Haneef rahmatullah alaih)

• HUZOOR E AKRAM Sallallahu alaihi wasallam ne Hajar e Aswad ke baare me farmaya:

  ALLAH TA’LA KI QASAM! Qayamat ke din ALLAH TA’LA use 2 Aankhen ataa farmayega jinse ye dekhega aur Ek Zaban Ataa farmayega jis se ye bolega aur har us shakhs ke baare me gawahi dega jisne Halat e Imaan me Usko Bosa diya.

  (Jame Tirmizi, Hadith no:971)

• Rukn e Yamani aur Maqaam e Ibrahim Jannat ke Yaqut’on me se 2 yaqut hain,

  ALLAH TA’LA ne unke Noor ki Roushni bujhadi agar ALLAH TA’LA unhe na bujhata to unki roushni Mashriq se Maghrib tak saara mahool Roushan kardeti.

  (Jame Tirmizi,Hadith no:878)

Comments

comments