Main Ahle Mohabbat ka Durood Khud Sunta hu

• Ek martaba HUZOOR E AKRAM Sallallahu alaihi wasallam se arz kiya gaya:

  wo jo AAP (Sallallahu alaihi wasallam) par nazdeek se Durood Bhaijhte hain , Dur se Durood Bhaijhte hai aur Baad me aane wale bhi bhaijenge ,

  Kya ye sab Durood Aapko pesh kiye jate hain?

  Ispar HUZOOR Sallallahu alaihi wasallam ne irshaad farmaya:

  Main Ahle Mohabbat ka Durood Khud Sunta hu aur unhe pehcanta bhi ho.

  (Dala’elul Khairaat,pg:49)

• Jo bhoke ko khana khilata hai ALLAH TAALA uski hazaar hajaten puri kardeta hai, Use dozaq se chutkara milta hai aur jannat me uske liye ek mahel tayyar hota hai.

  (Hazrath khaja ghareeb nawaz chisti rahmatullah alaih)

• Allah Taala jab kisi bande se mohabbat farmata hai,to Hazrath Jibreel amen (Alaihissalaam) ko bulata hai aur farmata hai,main falan bande se mohabbat karta hun tum bhi usse mohabbat karo!

  hazrath Jibreel amen (alaihissalaam) us bande se mohabbat karte hain,aur aasmaan me Ailaan (declare) karte hai, Allah Taala falan se mohabbat karta hai,tum bhi us se mohabbat karo!

  Asmaan wale usse mohabbat karne lagte hai,phir uski quboliyat zameen me utaardi jati hai,yane zameen wale usse mohabbat karne lagte hain.

  (Sahih Bukhari,vol:1,pg no:292)

• NABI E AKRAM Sallallahu alaihi wasallam ne irshaad farmaya:

  Hum Ahle Bait ki Mohabbat ko lazim karlo !Kyun ke Jo shakhs Allah Taala ke Darbaar me is haal me hazir ho ke wo hamari mohabbat se sarshaar ho to wo hamari shafa’at se Jannat me Dakhil hoga,

  Us Zaat ki Qasam Jiske Qabza e Qudrat me Meri Jaan hai ! kisi bande ko uska Amal Faida nahi phunchayega magar hamari Qadr o Manzilat ko Manne ke baad…

  (Al Moujamul Aousat,Hadith No:2320) #Sallallahu_alaihi_wasallam

   

Comments

comments