- Jo shakhs apne upar Nek niyyati ka darwaza kholta hai, ALLAH TAALA us par TOUFEQ ke 70 darwaze kholdete hain, aur jo shakhs apne upar bad niyyati ka darwaza kholta hai ALLAH TAALA uspar Ruswayi ke 70 darwaze aise maqam se kholdete hain jiski usko khabar bhi nahi hoti.
(Hazrath Junaid Baghdadi Rahmatullah Alaih)
- NABI E KAREEM Sallallahu alaihi wasallam ne irshaad farmaya:Namaz se namazi ke dil me noor paida hojata hai, to tumhare ikhtiyaar me hai ke namaz ki pabandi se apne dil me noor paida karle..(Sunan e Dailami)
- Logon ko usi tarah maaf karo, Jaise tum ALLAH TAALA se umeed rakhte ho ke wo tumhe Maaf karega.(Hazrath Ali raziallahu taala anhu)
- HUZOOR Sallallahu alaihi wasallam ne irshaad farmaya:Main ne Tum me aisi cheez chodi ke jab tak tum use Mazbooti se pakde rahoge mere baad hargis gumrah na honge,ALLAH ki kitaab Quraan e Majid aur Meri Bait aur Meri Sunnat.
(Jame Tirmizi,hadith no:4155)
