Allah Talah ka irshad hai : jis tarha (hamne KABA ko Kibla mukarar kar ke tum par apni nematien ko mukammal kiya, usi tarha) hamne tum logon mein ek (azeemoshaan) Rasool Bheja, jo paak karte hai, tumko quran kareem ki taleem dete hai, aur isi quran kareem ki murad aur apni sunnat aur tarike ki (bhi) taleem dete hai aur tumko aisi (mufeed) baton ki taleem dete hai, jin ki tumko khabar bhi na thi!
* Allah Talah ka irshad hai : Aur ham ye misaalein logon ke liye bayan karte hai, (laikin) akkal se kaam lene wale hi ilm wale hai!
* Allah Talah ka irshad hai : Beshak Allah Talah se unke wahi bande darte hai jo unki azmat ka ilm rakhte hai!
* Rasool Allah sallallahu Alaihi wasallam se khitab hai: Aap keh dijiye ki kiya ilm wale aur be-ilm barbar hosakte hai?
