- ALLAH TAALA KA IRSHAAD HAI :
Aur kya hi behtar hain wo log jo namaz padhne wale aur zakaat dene wale aur ALLAH TAALA par aur Qayamat ke din par Imaan rakhne wale hain , yehi wo log hain jinhe hum bada ajar ataa karenge.
(Surah Al Nisa :162)
- NABI E KAREEM Sallallahu alaihi wasallam ne irshaad farmaya :
Rozadaar ka sona Ibadat aur uski khamoshi tasbeeh karna aur uski dua Qubool aur uska amal maqbool hota hai.
(Shubul Imaan ,hadith no :3938)
- Hazrath Abu Huraira raziallahu taala anhu ne farmaya:
RASOOLALLAH Sallallahu alaihi wasallam ne Mujh se irshaad farmaya:
Aye Abu Huraira! Logon ko Quraan sikhate raho aur sikhte raho,
Kyun ke isi haal me agar tumhe Mout aajaye to Farishte tumhari qabar ki is tarah ziyarat karinge jaise Kabatullah shareef ki ziyarat ki jati hai.
(Kanzul Ummal,hadith no:29377)
Rozadaar ka sona Ibadat aur uski khamoshi tasbeeh karna
