Jisne Subah (yane fajar ) ki namaz adaa ki wo ALLAH TAALA ki Hifazat me hai

January 15, 2017

Jo Quraan padhe aur apne rab taala ki tareef ki aur NABI E KAREEM Sallallahu alaihi wasallam par Durood padhe aur apne rab se maghfirat talab ki to usne khair ko uski jagah se talash karliya.(Baihaqi shubul Imaan)
Acha insaan wo hai jo kisi ki di hui takleef ko bhul jaye magar kisi ki di hui mohabbat ko kabhi na bhule.
Hazrath Anas raziallahu taala anhu farmate hain:Koi kasturi kabhi koi atar aisa nahi sungha jo HUZOOR NABI E KAREEM Sallallahu alaihi wasallam ke Pasine mubarak se zyada khushboo daar ho.
(Shamail e Tirmizi)
Yaqinan ! ALLAH ke Doston par na koi khauf hai aur na wo Ghamzada honge.(Surah Yunus:62)
Eteqaad durst karna wajib hai kyun ke ye eteqaad wahi asal me bunyaad hai.(Hazrath Sheik Abdul Qader Jilaani Rahmatullah Alaih)
Namaz se namazi ke dil me noor paida hojata hai, to tumhare ikhtiyaar me hai ke namaz ki pabandi se apne dil me noor paida karle..(Sunan e Dailami)
NABI E KAREEM Sallallahu alaihi wasallam ne irshaad farmaya:Jo shakhs Meri is Masjid me is garz se aaye ke Neki karega, Neki sikhega ya sikhayega, to uska martaba itna baland hoga jitna ke Raah e Khuda me jihaad karne wale ka martaba hota hai.
(Sunan e Ibne Majah)
NABI E KAREEM Sallallahu alaihi wasallam ne irshaad farmaya:Jisne Subah (yane fajar ) ki namaz adaa ki wo ALLAH TAALA ki Hifazat me hai.
(Sahih Muslim,hadith no:1493)
ALLAH TAALA apne bandon ko unke Imaan ke mutabiq musibaton me daalta hai.(Hazrath Sheik Abdul Qader jilaani raziallahu taala anhu)